شورکوٹ ،پاک فضائیہ کا طیارہ گر کر تباہ،پائلٹ محفوظ

ویب ڈیسک

جمعه, ۷ فروری ۲۰۲۰

شیئر کریں

شورکوٹ کے قریب پاک فضائیہ کا طیارہ گر کر تباہ ہو گیا،پائلٹ محفوظ رہا ۔ترجمان پاک فضائیہ کے مطابق پاک فضائیہ کامیراج طیار ہ رفیقی ایئربیس شورکوٹ سے اڑان بھری تا ہم تکنیکی خرابی کے باعث چک 496کے قریب گر کر تباہ ہو گیا جبکہ پائلٹ بحفاظت اترنے میں کامیاب ہوگیا ، زمین پر کسی قسم کے جانی و مالی نقصان کی کوئی اطلاع موصول نہیں ہوئی۔ترجمان پاک فضائیہ کے مطابق واقعہ کی وجوہات جاننے کے لیے ائیر ہیڈ کوارٹرز کی جانب سے ایک اعلی سطح کا بورڈ تشکیل دے دیا ہے ۔ حساس اداروں اور ریسکیو ٹیموں نے علاقے کو گھیرے میں لے لیا۔