جنگ بندی کی تجویز مسترد، تیل کی قیمتوں میں دوبارہ اضافہ
جرات ڈیسک
پیر, ۲۸ ستمبر ۲۰۲۶
شیئر کریں
خام تیل کی قیمت 1.82ڈالر اضافے کے بعد 106.14ڈالر فی بیرل ہوگئی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
امریکی صدر ڈونلڈ ٹرمپ کی جانب سے جنگ بندی اور آبنائے ہرمز دوبارہ کھولنے سے متعلق ایران کی تجویز مسترد کیے جانے کے بعد تیل کی قیمتوں میں معمولی اضافہ ہوگیا۔
غیر ملکی میڈیا کے مطابق پیر کو عالمی منڈی میں برینٹ خام تیل کی قیمت 1.82 ڈالر یا 1.74فیصد اضافے کے بعد 106.14ڈالر فی بیرل ہوگئی۔امریکی ویسٹ ٹیکساس انٹرمیڈیٹ خام تیل کی قیمت 1.14ڈالر یا 1.23فیصد اضافے کے بعد 93.55ڈالر فی بیرل رہی۔واضح رہے کہ امریکی اخبار وال اسٹریٹ جرنل نے دعوی کیا ہے کہ صدر ڈونلڈ ٹرمپ نے ایران کی 7 روزہ جنگ بندی کی تجویز مسترد کر دی۔
