(سندھ بلڈنگ ) منہدم شدہ عمارتوں کو تعمیر ات کی چھوٹ پر وصولیاں
شیئر کریں
ڈائریکٹر سید ضیاء نے عید کی تعطیلات پر خطیر رقم بٹور لی ، رہائشی پلاٹوں پر کمرشل تعمیر شروع
ناظم آباد نمبر2پلاٹ نمبرD8/9اور پلاٹ نمبر 2J17/5 پر خلاف ضابطہ تعمیر کی اجازت
عمیر المعروف بے بی پر افسران کی نوازشات ، غیر قانونی عمل پر چشم پوشی ، جرأت رپورٹ
سندھ بلڈنگ ڈائریکٹر وسطی سید ضیا کی عیدی مہم شروع دھواں دھار آپریشن میں منہدم کی جانے والی عمارتوں کی عید کی تعطیلات میں ازسرنو تعمیر کی چھوٹ جاری آپریشن میں بھی مخصوص عمارتوں کو انہدام سے محفوظ رکھا گیا جرآت سروے رپورٹ کراچی اسٹاف رپورٹر وسطی پر قابض ڈائریکٹر سید ضیا نے عیدی مہم کا آغاز کردیا ہے جس کے تحت گزشتہ دنوں وسطی میں دھواں دھار انہدامی کاروائیوں میں منہدم کی جانے والی عمارتوں کو عید کی تعطیلات میں ازسرنو تعمیر کی چھوٹ دی جارہی ہے جس میں ناظم آباد نمبر 2 پلاٹ نمبر D8/9 منہدم کی جانے والی بالائی منزل کی عمیر المعروف بے بی نے خطیر رقم ادا کرنے کے بعد ازسر نو تعمیر کی چھوٹ حاصل کر لی ہے جرآت سروے کے دوران یہ بات بھی دیکھنے میں آئی ہے کہ ناظم آباد ہی کے رہائشی پلاٹ نمبر 2J17/5 پر کمرشل پورشن یونٹ کی خلاف ضابطہ تعمیرات کو انہدام سے بھی محفوظ رکھا گیا ہے سندھ بلڈنگ کنٹرول اتھارٹی کے دوہرے معیار پر موقف لینے کے لئے ڈی جی ہاؤس رابطہ کرنے کی کوشش کی گئی مگر رابطہ ممکن نہ ہو سکا۔
