سندھ بلڈنگ ،کھوڑو سسٹم گلشن اقبال میں فعال غیر قانونی تعمیرات کو تحفظ
شیئر کریں
رہائشی پلاٹوں پر کمرشل پورشن یونٹ اور دُکانوں کی تعمیرات بلا روک ٹوک جاری
بلڈنگ انسپکٹر عابد شاہ نے انہدامی کارروائیوںسے محفوظ رکھنے کی ضمانت دے دی
بلاک 5پلاٹ نمبر A161اور A184کے رہائشی پلاٹوں پر کمرشل پورشن تعمیر
سندھ بلڈنگ کنٹرول اتھارٹی میں رائج کھوڑو سسٹم کے تحت ایک سوچی سمجھی سازش کے تحت کراچی کا بنیادی ڈھانچہ تبدیل کرنے کی تیاری کی جارہی ہے اور خطیر رقوم بٹورنے کے بعد رہائشی پلاٹوں پر کمرشل پورشن یونٹ اور دکانوں کی تعمیر کی چھوٹ دی جا رہی ہے ۔جرأت سروے کے دوران یہ بات بھی سامنے آئی ہے کہ کچھ پلاٹوں پر ایک منزل کی تعمیر کا اجازت نامہ ہے اور بلڈنگ افسران کی ملی بھگت سے بالائی منزلوں کی تعمیرات بلا روک ٹوک تکمیل کے مراحل میں داخل ہوچکی ہیں۔جس کے باعث کراچی کا بنیادی ڈھانچہ مکمل طور پر تبدیل ہوتا دکھائی دے رہا ہے اور بنیادی مسائل سر اٹھانے لگے ہیں شہر بھر میں جاری غیر قانونی تعمیرات ڈائریکٹر جنرل اسحاق کھوڑو کی کارکردگی پر ایک سوالیہ نشان ہے۔ گلشن اقبال کے بلاک 5 میں رہائشی پلاٹوں A161 اور A184 پر کمرشل پورشن یونٹ کی تعمیرات بلڈنگ انسپکٹر عابد شاہ کے حفاظتی پیکیج میں جاری ہیں۔ خلاف ضابطہ تعمیرات پر ڈی جی اسحاق کھوڑو سے موقف لینے کے لئے رابطے کی کوشش کی گئی مگر رابطہ نہ ہو سکا۔
