غیرقانونی الاٹمنٹ کیس، ملک ریاض سمیت 10ملزمان کے وارنٹ گرفتاری جاری
شیئر کریں
بحریہ ٹاؤن کو 17ہزار ایکڑ غیرقانونی الاٹمنٹ ریفرنس میں منظور کاکا نیب کورٹ پیش
تم رگڑے جاؤ گے ،سماعت کے بعد مدعی مقدمہ محمود اختر نقوی کی تفتیشی افسر کو دھمکی
نیب کورٹ کراچی نے بحریہ ٹاؤن کو سترہ ہزار ایکڑ سے زائد زمین کی غیرقانونی الاٹمنٹ کے ریفرنس میں دس ملزمان کے قابل ضمانت وارنٹ گرفتاری جاری کردیے۔
منظورقادرکاکا اور دیگرملزم نیب کورٹ کراچی میں پیش ہوئے ۔وکلا نے عدالت کو بتایا کہ قائم علی شاہ سمیت دو ملزموں نے اس کیس میں سندھ ہائیکورٹ سے حکم امتناعی حاصل کرلیاہے۔
تفتیشی افسرنے عدالت کو بتایا کہ ملک ریاض، احمد علی ریاض، زین ملک، وقاص، وسیم ، فیصل سرور قریشی، محمد اویس سمیت دس ملزموں کوعدالتی سمن کی تعمیل نہیں کی۔ ملک ریاض راولپنڈی کے دوریفرنس میں مفرور ہے۔ شوکت حیات ایڈووکیٹ نے عدالت کو بتایا کہ ملزم نشاط، شعیب، مستفیض سمیت چار وکلا نے ضمانت لے لی ہے۔
محموداخترنقوی نیب کورٹ میں پیش ہوئے اور کہا کہ میں اس کیس کامدعی ہوں مجھے نقول فراہم کی جائیں ۔ وکلائے صفائی نے عدالت کو بتایا کہ ان کانام ریفرنس میں نہیں ۔یہ چیئرمین نیب سے رابط کریں ۔ عدالت نے ملزموں کو نقول فراہم کرنے کاحکم دیتے ہوئے سماعت پندرہ اپریل تک ملتوی کردی ۔
سماعت کے بعد مدعی مقدمہ محمود اختر نقوی اور تفتیشی افسر میں تلخ کلامی ہوئی ۔ محموداخترنقوی نے تفتیشی افسر کو دھمکی دیتے ہوئے کہا کہ تم رگڑے جاؤ گے۔
