نوشکی میں زائرین کے لئے آرام گاہ قائم کردی گئی
شیئر کریں
پاک فوج اور ایف سی بلوچستان کا زائرین کے لئے اقدام، زائرین کی سہولت کے لیے پاک فوج اور ایف سی بلوچستان کی جانب سے نوشکی میں "آرام گاہ” قائم کردی گئی۔زائرین کو دوران سفر سہولت کی فراہمی کی غرض سے پاک فوج کی جانب سے 14 بسیں فراہم کی گئیں، زائرین کے بیٹھنے کے لیے کینوپی شیڈ کا بھی انتظام کیا گیا ہے ،نوشکی میں قائم کی جانے والی اس آرام گاہ میں 280 سے زائد زائرین نے قیام کیا،آرام گاہ میں قیام پذیر زائرین کے لیے کھانے پینے کا بھی مکمل اہتمام کیا گیا، زائرین کی سہولت اور فری علاج و ادویات کی دستیابی کے لیے فری میڈیکل کیمپ بھی لگایا گیا،فری میڈیکل کیمپ میں تقریباً 60 سے زائد زائرین کو مفت علاج و ادویات فراہم کی گئیں،زائرین نے پاکستان آرمی اور فرنٹیر کور بلوچستان کے ان اقدامات کو سراہتے ہوئے خوش آئند قراردیا،زائرین نے سہولیات کی فراہمی کے لیے پاک فوج اور ایف سی بلوچستان کا شکریہ بھی ادا کیا۔
