مودی کی جی ٹوئنٹی کانفرنس پرسعودی ولی عہد سے ملاقات

ویب ڈیسک

جمعه, ۳۰ نومبر ۲۰۱۸

شیئر کریں

بھارتی وزیراعظم نریندر مودی نے جی 20اجلاس کے سائیڈلائن ملاقاتوں میں سعودی شہزادے محمد بن سلمان سے ملاقات کی،بھارتی وزیراعظم کا کہنا ہے ملاقات ثمرآوررہی ہے ۔جی ٹوئنٹی اجلاس ارجنٹا ئن کے دارالحکومت بیونس آئرس میں آج سے شروع ہورہاہے ، میڈیاکے مطابق بیونس آئرس میں بھارتی وزیراعظم مودی نے سعودی ولی عہد محمد بن سلمان سے ملاقات کی۔ملاقات میں ٹیکنالوجی میں سرمایاکاری، قابل تجدید توانائی اورفوڈسکیورٹی پر گفتگوہوئی،بھارتی وزیراعظم مودی نے سوشل میڈیاپراپنے پیغام میں سعودی ولی عہد سے ملاقات کو فائدہ مند قراردیا،بھارتی میڈیاکے مطابق مودی،امریکی صدرٹرمپ اورجاپانی وزیراعظم سے ملاقات کے ساتھ ہی چینی صدراور جرمن چانسلر سے بھی ملاقات کرینگے ۔