پاکستان نیپال کو ہرا کر بلائنڈ کرکٹ ورلڈ کپ کے سیمی فائنل میں پہنچ گیا
شیئر کریں
لاہور : پاکستانی ٹیم نے نیپال کو 10 وکٹوں سے شکست دے کر ٹی 20 بلائنڈ کرکٹ ورلڈ کپ کے سیمی فائنل کے لیے کوالیفائی کرلیا –
سری لنکا اور بنگلہ دیش بھی اپنے اپنے میچز میں کامیاب ہو گئے۔
لاہور میں آج کھیلے گئے میچ میں پاکستان نے نیپال کی جانب سے دیے گیا 101 کا ہدف 6.4 اوورز میں بغیر کسی نقصان کے حاصل کرلیا۔
پاکستان کے کر کٹر نعمت اللہ نے 30 گیندوں پر 73 اور محمد صفدر نے 14 گیندوں بر 24 رنز بنائے۔
قبل ازیں، نیپال نے پاکستان کے خلاف 18 اوورز میں 5 وکٹوں کے نقصان پر 100 رنزبنائے تھے، بھرت تھاپا نے 46 گیندوں کا سامنا کرکے 39 رنز بنائے تھے۔
پاکستان کی جانب سے ہارون خان نے 5 رنز دے کر 2 کھلاڑیوں کو آؤٹ کیا، نعمت اللہ کو مین آف دی میچ کا ایوارڈ دیا گیا۔
آج کھیلے گئے دوسرے میچ میں سری لنکا نے جنوبی افریقہ بلائنڈ کرکٹ ٹیم کو 53 رنز سے شکست دے کر تیسری کامیابی حاصل کرلی۔
سری لنکا نے پہلے بیٹنگ کرتے ہوئے 20 اوورزمیں 6 وکٹوں کے نقصان پر 217 رنزبنائے۔
جواب میں جنوبی افریقہ بلائنڈ ٹیم 20 اوورزمیں 9 وکٹوں کے نقصان پر 164 رنزبنا سکی۔
باغ جناح کرکٹ گراؤنڈ پر بنگلہ دیش نے افغانستان کو 8 وکٹوں سے شکست دی-
ٹاس جیت کر پہلے بیٹنگ کرتے ہوئے افغانستان کی ٹیم 18.2 اوورز میں 149 رنز بنا کر آؤٹ ہوگئی۔
جواب میں بنگلہ دیش نے 12 اوورز میں 2 وکٹوں کے نقصان پر مکمل کرلیا۔
لاہور میں بلائنڈ کرکٹ ورلڈ کپ کا پہلا مرحلہ مکمل ہوگیا ہے-
دوسرے مرحلے کا آغاز 29 نومبر سے ملتان میں شروع ہوگا.
