اسرائیل نے طیب اردوان کو جنگی مجرم قرار دے دیا

ویب ڈیسک

جمعه, ۲۸ جون ۲۰۲۴

شیئر کریں

اسرائیل اور حزب اللہ کے درمیان کشیدگی میں لبنان سے اظہار یکجہتی کرنے پر اسرائیل نے ترک صدر طیب اردوان کو جنگی مجرم قرار دے دیا۔غیرملکی خبررساں ادارے کے مطابق ترک صدر طیب اردوان نے اسرائیل کے حوالے سے جاری بیان میں کہا تھا کہ غزہ کو جلانے والے اسرائیل کی نظریں اب لبنان پر ہیں، اسرائیل کا حزب اللہ سے تنازع بڑھانا بڑی تباہی کا سبب بنے گا۔اس کے بعد اب اسرائیلی وزارت خارجہ کی جانب سے ترک صدر طیب اردوان کو جنگی مجرم قرار دیا گیا ہے جب کہ اسرائیلی وزیر خارجہ کے بیان پر ترک وزارت خارجہ نے مذمت کا اظہار کیا ہے ۔ترک وزارت خارجہ کی جانب سے جاری بیان میں کہا گیا ہے کہ ایسی تضحیک آمیز پوسٹ اور لہجہ نسل کشی کی ملزم ریاست کا کوئی عہدیدار ہی اختیار کر سکتا ہے ۔