خیبرپختونخوا کے پیسوں سے کپتان کا کچن، جہانگیر ترین کا طیارہ چلتا ہے، بلاول بھٹو
شیئر کریں
پشاور(مانیٹرنگ ڈیسک)پیپلزپارٹی کے چیئرمین بلاول بھٹو نے کہا ہے کہ عمران خان بنی گالہ سے وزیراعظم ہاوس منتقل ہونے کے لیے ہر کام کو تیار ہے،میاں صاحب کی ترقی دھوکا اور خان صاحب کی تبدیلی جھوٹ ہے،چار سال میں خیبرپختونخوا حکومت نے کوئی اسپتال نہیں بنایا۔ ڈاکٹرز،نرسیں اور اساتذہ سب احتجاج کررہے ہیں،خیبرپختونخوا میں میگا کرپشن کی تحقیقات کیوں نہیں ہورہی؟دوسروں پر کرپشن کے الزامات لگا کر خود کو فرشتہ ثابت کرنا چاہتے ہیں۔ پشاور میں بلاول بھٹو نے کپتان کو آڑے ہاتھوں لے لیا۔کہتے ہیں عمران خان بنی گالہ سے وزیراعظم ہاؤس منتقل ہونے کے لیے ہر کام کرنے کو تیار ہے۔ امپائر کی انگلی دیکھتے دیکھتے کپتان کی آنکھیں کمزور ہوگئی۔ ترقی ملک نہیں شریف خاندان اور ان کے ساتھیوں کے اثاثوں میں آئی ہے۔پشاور میں قومی اسمبلی کے حلقہ این چار ضمنی انتخاب کے حوالے سے منعقدہ جلسے سے خطاب کرتے ہوئے پیپلزپارٹی کے چیئرمین بلاول بھٹو پی ٹی آئی اور ن لیگ پر جم کربرسے۔انکاکہنا تھا کہ پی ٹی آئی اور ن لیگ کی حکومت نے سیاست کو گندا کردیا ہے۔ میاں صاحب کی ترقی دھوکا اور خان صاحب کی تبدیلی جھوٹ ہے۔ انہوں نے کہا کہ عمران خان کے پاس کوئی نظریہ نہیں ہے۔ ایسا شخص جسے اپنی زبان پر قابو نہیں وہ ملک کی رہنمائی کیسے کرسکتاہے۔ نوے دن میں تبدیلی لانیوالاعوام کی زندگی میں کیاتبدیلی لائے؟ بلاول بھٹو نے کہا بلین ٹری منصوبے سے صوبے میں ہریالی نہیں آئی۔چار سال میں خیبرپختونخوا حکومت نے کوئی اسپتال نہیں بنایا۔ ڈاکٹرز،نرسیں اور اساتذہ سب احتجاج کررہے ہیں ۔ سندھ میں اسپتال اور ٹراما سینٹر بن رہے ہیں،جہاں مفت علاج کیا جارہا ہے۔بلاول کاکہنا تھا کہ خیبرپختونخوا کے پیسوں سے عمران خان کا کچن اور جہانگیر ترین کا طیارہ چلتا ہے۔ان کاکہنا تھا کہ کے پچھلے 4 سال میں اخلاقیات کا جنازہ نکال دیا گیا ہے۔ اب وقت آگیا کہ عوام کو سوچ سمجھ کر فیصلہ کرنا ہوگا۔ پشاور کے عوام کو چھبیس تاریخ کو گالم گلوچ کی سیاست کرنے والوں کو شکست دینا ہے۔ انہوں نے این اے چار کے تمام مسائل حل کیے جانے کی یقین دہانی کرائی۔
