ڈکیتی کے الزام میں گرفتار 5 ملزمان میں سے 3 پولیس اہلکار نکلے

ویب ڈیسک

اتوار, ۲۲ ستمبر ۲۰۱۹

شیئر کریں

نارتھ کراچی کے ایک گھر میں ڈکیتی کے الزام میں گرفتار 5 ملزمان میں سے 3 ملزمان پولیس اہلکار نکلے جن میں ہیڈ کانسٹیبل عابد، کانسٹیبل وقار اور یاسرشامل ہیں، تینوں پولیس اہلکار سرجانی ٹاؤن تھانے میں تعینات تھے ، ملزمان کی نشاندہی پر 2 سہولت کاروں ملزمان حارث اور احسن کو بھی گرفتار کر لیا گیا ہے جبکہ ملزمان کا ایک ساتھی سجاد مفرور ہے ۔ملزمان 2 روزقبل نارتھ کراچی کے مکان میں ڈکیتی کی نیت سے داخل ہوئے تھے جس کے بعد علاقہ مکینوں نے 3 ڈاکوؤں کوپکڑ لیا تھا۔پولیس کے مطابق گرفتار پولیس اہلکاروں کیخلاف خواجہ اجمیر نگری تھانے میں مقدمہ درج کر لیا گیا ہے جبکہ واقعہ کی تحقیقات جاری ہیں۔