شدید دھندسے پی آئی اے کا فلائٹ شیڈول درہم برہم

ویب ڈیسک

اتوار, ۲۱ جنوری ۲۰۲۴

شیئر کریں

شدید دھند کے باعث ملک بھر میں قومی ایئرلائن کا فلائٹ شیڈول بری طرح متاثر ہوگیا۔ ملک بھر میں 19 پروازیں منسوخ کردی گئیں۔ جبکہ 7 پروازوں کو متبادل ائیرپورٹس پر اتار لیا گیا۔ سول ایوی ایشن ذرائع کے مطابق اسلام آباد اترنے والی پانچ غیرملکی پروازیں کراچی اور لاہور میں اتاری گئیں۔ دبئی سے اسلام آباد جانے والی پرواز خراب موسم کے باعث کراچی میں اتار لی گئی۔ دمام سے اسلام آباد آنے والی پرواز بھی کراچی میں اتار لی گئی۔ شارجہ۔ ابو ظہبی اور جدہ سے اسلام آباد جانئے والی پروازوں کو لاہور ایئرپورٹ پر اتار لیا گیا۔ اسلام آباد سے گلگت اور اسکردو کی چار پروازیں منسوخ کردی گئیں۔ اسلام آباد اور کراچی کی دو پروازیں بھی منسوخ کی گئیں۔