فیصلہ کن مارچ، 24نومبر کو پی ٹی آئی نہیں پورا پاکستان باہر نکلے ، علیمہ خانم
شیئر کریں
عمران خان نے کہا ہے کہ میڈیا کا گلہ گھونٹ دیا گیا ، وی پی این پر پابندی لگا دی،8فروری کو ووٹ ڈالا، انہوں نے آپ کو باہر نکال کر چوروں کو پارلیمنٹ میں بٹھا دیا، آپ اب غلام بن چکے ہیں، علیمہ خانم عمران خان کی رہائی کے بغیر واپس نہیں آئیں گے، ورکز اجلاس میں وزیراعلیٰ کے پی علی امین گنڈا پور کے اعلان پر کارکن پرجوش ،’’الجہاد الجہاد اور انقلاب انقلاب‘‘ کے نعرے، کارکنوں کو ہر سطح پر تیاریوں کی ہدایت وزیراعلیٰ ہاؤس پشاور میں الجہاد الجہاد کے نعرے لگ گئے علی امین گنڈاپور نے بھی کارکنوں کے ساتھ ملکر بانی پی ٹی آئی کے حق میں نعرے لگوائے
۔۔۔۔۔۔
اسلام آباد (بیور ورپورٹ)پاکستان تحریک انصاف (پی ٹی آئی) کے بانی و سابق وزیراعظم عمران خان کی ہمشیرہ علیمہ خانم نے کہا ہے کہ عمران خان نے اڈیالہ جیل سے پیغام دیا ہے کہ 24نومبر کو صرف پی ٹی آئی نہیں پورا پاکستان باہر نکلے ۔اڈیالہ جیل کے باہر میڈیا سے گفتگو کرتے ہوئے علیمہ خانم نے عمران خان کے حوالے سے بتایا کہ جمہوریت کے تین ستون ہیں، ایک ستون میڈیا، ایک عدلیہ اور ایک ستون عوام ہے ۔عمران خان نے کہاکہ میڈیا کا گلہ گھونٹ دیا گیا ہے ، وی پی این پر پابندی لگا دی گئی ہے ۔بانی پی ٹی آئی کا کہنا تھا کہ آپ نے 8 فروری کو ووٹ ڈالا، آپ کو انہوں نے باہر نکال دیا، چوروں کو پارلیمنٹ میں بٹھا دیا گیا۔عمران خان نے کہا کہ آپ اب غلام بن چکے ہیں، 24 نومبر کو آپ اپنے بچوں کے لیے باہر نکلیں، علیمہ خان نے بتایا کہ 24نومبر کو عمران خان نے پی ٹی آئی کو نہیں تمام پاکستانیوں کو باہر نکلنے کی دعوت دی ہے ۔علیمہ خانم کا مزید کہنا تھا کہ بانی پی ٹی آئی عمران خان نے اورسیز پاکستانیوں کے لیے خصوصی پیغام بھیجا ہے ، سب سے زیادہ اورسیز پاکستانیوں کو احساس ہونا چاہیے ۔عمران خان نے کہا ہے کہ اورسیز پاکستانی اپنے اپنے ملکوں میں اپنے ملک کے لیے نکلیں، ہم پر جو ظلم ہو رہا ہے اس کے خلاف نکلنا ہے ، باہر نکل کر بتائیں یہ نظام قبول نہیں ہے ۔صحافی نے سوال کیا کہ چوہدری پرویز الہٰی پردہ اسکرین سے غائب ہیں ؟ جس پر علیمہ خان کا کہنا تھا کہ کہ اس کا مجھے نہیں پتا۔ واضح رہے کہ پی ٹی آئی نے 24 نومبر کو احتجاج کی کال دے رکھی ہے۔
