ایم کیو ایم کو دھچکا، فاروق ستار کاضمنی الیکشن آزاد حیثیت میں لڑنے کا اعلان
شیئر کریں
نیک نیتی سے کوشش کی ایم کیو ایم میں جاکر دوبارہ اسے پاوں پر کھڑا کروں،خالدمقبول سے تین ملاقاتیں ہوئیں ،پھردودھ میں مینگیاں ڈالنے کاسلسلہ شروع ہوا
ایم کیو ایم کو دھچکا، فاروق ستار کاضمنی الیکشن آزاد حیثیت میں لڑنے کا اعلان،فاروق ستار کا کہنا ہے کہ متحدہ کے بھائیوں کو 4 سال تک میری یاد نہیں آئی، این اے 245 کا ضمنی الیکشن تالے کے انتخابی نشان پرلڑوں گا،نیک نیتی سے کوشش کی ایم کیو ایم میں جاکر دوبارہ اسے پاوں پر کھڑا کروں،مگر ایسا نہیںہو سکا، ڈاکٹر خالد مقبول میرے گھر آئے ملاقات کی، 3 جولائی کو دودھ میں مینگنی ڈالنے کا سلسلہ شروع ہوا، میں نے کوئی ڈیمانڈ نہیں کی لیکن میرے باقی لوگوں کے ساتھ ناانصافی نہ ہو۔ ان خیالات کا اظہار انھوں نے پیر کے روز کراچی میں میڈیا سے گفتگو کرتے ہوئے کیا۔ متحدہ قومی موومنٹ پاکستان کے سابق کنونیئر اور سربراہ ایم کیو ایم بحالی کمیٹی فاروق ستار نے کراچی میں این اے 245 کا ضمنی الیکشن آزاد حیثیت میں تالے کے انتخابی نشان پر لڑنے کا اعلان کر دیا۔ فاروق ستار نے کہا کہ 2018 کے الیکشن میں مجھے ہرایا گیا۔ ایم کیو ایم کے بھائیوں کو 4 سال تک میری یاد نہیں آئی۔ فاروق ستار کا کہنا تھا کہ جس کی ڈوریں کسی اور کے ہاتھ میں ہوں وہ سیاست نہیں کرسکتے۔ پی ٹی آئی چیئر مین عمران خان کے بیانیے کے حوالے سے بات کرتے ہوئے فاروق ستار نے کہا کہ آج جو بیانیہ ان کا ہے،وہ میرا بہت پہلے سے ہے۔ فاروق ستار نے گلہ کرتے ہوئے کہا کہ مجھے ایم کیو ایم سے الگ کیا گیا میں نہیں ہو ا تھا۔ خالد مقبول صدیقی سے میری تین ملاقاتیں ہوئیں۔ میری خالد مقبول سے تین ملاقاتیں ہوئی میں نے پہلی ملاقات میں خالد مقبول سے کہا جو غلطیاں ہوئیں ہیں ان پر خالد مقبول اور میں قوم سے معافی مانگیں، انھیں بتایا کہ ایم کیو ایم میں کرپٹ مافیا ہے، انھوں میری یہ باتیں مانیں، تین جولائی کو دوبارہ ملاقات ہوئی،اور پھر دودھ میں میگنی ڈالنے کا سلسلہ شروع ہوا،میں نے 75 کراچی میں 30 پینل حیدر آباد میں ر کھے ۔ زیادہ تر نئے چہرے اور قیادت نوجوانوں کے ہاتھ میں ہے۔ فاروق ستار کا کہنا تھا کہ ڈاکٹر خالد مقبول میرے گھر آئے ملاقات کی، 3 جولائی کو دودھ میں مینگنی ڈالنے کا سلسلہ شروع ہوا، میں نے کوئی ڈیمانڈ نہیں کی لیکن میرے باقی لوگوں کے ساتھ ناانصافی نہ ہو۔انہوں نے کہا کہ حمایت حاصل کرنے مصطفی کمال اور آفاق احمد کے پاس جائوں گا، کیا خالد مقبول صدیقی میری حمایت کریں گے؟ خالد بھائی اب بھی وقت ہے، یہ الیکشن یکجہتی کا ہے، میرا ہاتھ تھامیں اور اس دلدل سے نکلیں۔فاروق ستار نے بتایا کہ این اے 245 کے ضمنی اور بلدیاتی الیکشن کے لیے انتخابی دفتر قائم کردیا ہے۔
