سراج الحق کاپی ڈی ایم حکومت پر 500 ارب کے ڈاکے کا الزام

ویب ڈیسک

اتوار, ۱۶ جولائی ۲۰۲۳

شیئر کریں

امیر جماعت اسلامی پاکستان سراج الحق نے پاکستان ڈیموکریٹک موومنٹ (پی ڈی ایم) حکومت پر 500 ارب کے ڈاکے کا الزام لگادیا۔لاہور سے جاری بیان میں سراج الحق نے بجلی کی قیمتوں میں اضافے پر ردعمل دیا اور کہا کہ بجلی ٹیرف بڑھا کر عوام کی جیبوں پر 500 ارب کا ڈاکا ڈالا گیا ہے۔انہوں نے کہا کہ بجلی کی قیمتوں میں اضافہ متوسط اور غریب طبقہ کے لیے قیامت سے کم نہیں، ٹیکسز شامل کر کے فی یونٹ قیمت 56 روپے تک پہنچے گی۔امیر جماعت اسلامی نے مزید کہا کہ بجلی قیمت میں اضافے کو مسترد کرتے ہیں، عوام کے حق کے لیے ہر فورم پر آواز اٹھائیں گے۔اْن کا کہنا تھا کہ حکومت آئی ایم ایف معاہدہ قوم کے سامنے لائے، حکومت غریب عوام پر ظلم کے بجائے اپنی مراعات ختم کرے۔سراج الحق نے یہ بھی کہا کہ حکمران قرض خود ہڑپ کرتے ہیں اور ادائیگی کے لیے عوام کو قربانی کا بکرا بنایا جاتا ہے۔