ایم کیو ایم کی نئی سودے بازی، ضمنی انتخاب سے دستبردار،پیپلزپارٹی کی 2وزارتوں کی پیشکش
شیئر کریں
ضمنی انتخابات میں حصہ لینے سے متعلق ایم کیو ایم تاحال فیصلہ نہیں کر سکی ہے پیپلزپارٹی نے ایم کیو ایم کو دو وزارتوں کی پیشکش کرتے ہوئے 16 مارچ کو ہونے والے انتخابات سے دستبردار ہونے کی تجویز دے دی ہے ذرائع کے مطابق پیپلزپارٹی کی اعلیٰ قیادت اور پی ڈی ایم میں شامل جماعتوں کے رہنماؤں کا گزشتہ روز ایم کیو ایم سے رابطہ ہوا ہے جس میں اتحادی جماعت کو ضمنی انتخابات کا بائیکاٹ کرنے کی تجویز دی گئی ہے ایم کیو ایم کی جانب سے ضمنی انتخابات سے دستبرداراری سے مہلت مانگ لی گئی ہے۔ 15 فروری کو پیپلزپارٹی کا وفد ایم کیو ایم کے مرکز بہادرآباد پہنچا تھا جس میں ایم کیو ایم کے حلقہ بندیوں سے متعلق تحفظات دور کرنے کے ساتھ ساتھ ایم کیو ایم کو سندھ کابینہ میں شمولیت کی دعوت دی گئی ہے تمام تر معاملے پر ایم کیو ایم نے گورنر سندھ کو ہونے والے خفیہ معاہدوں پر ضامن بنانے کا فیصلہ کیا ہے جس کے تحت ایم کیو ایم رہنماؤں کے گورنر سندھ سے بھی رابطے ہوئے ہیں۔ پی ڈی ایم کی جانب سے 33 نشستوں پر ہونے والے ضمنی انتخابات میں حصہ نہ لینے کے فیصلے پر مرحلہ وار مختلف جماعتوں کی جانب سے دستبرداری کا اعلان سامنے آ رہا ہے تاہم 23 فروری سے قبل ضمنی انتخابات میں حصہ لینے سے متعلق ایم کیو ایم کی جانب سے اہم اعلانات متوقع ہیں۔
