ایک شخص کو بچانے کیلئے جمہوریت کی بساط لپیٹنے نہیں دینگے، آصف زرداری
شیئر کریں
کراچی (اسٹاف رپورٹر) پاکستان پیپلزپارٹی پارلیمنٹرینز کے سربراہ اورسابق صدر آصف علی زرداری نے کہا ہے کہ جیالے کسی غلط فہمی میں نہ رہیں 2018 الیکشن کا سال ہے ،بھرپور تیاریاں کریں اس بار آصفہ بھٹو آپ کے ساتھ ہوں گی، نواز شریف کو قانون کا سامنا کرنا چاہئے، لیکن اداروں کو بدنام کرنے کی سازش میں ہم ان کا ساتھ نہیں دے سکتے اور نہ ہی کسی ایک شخص کو بچانے کے لیے جمہوریت کی بساط لپیٹنے کی اجازت دیں گے ۔پاکستان پیپلزپارٹی کی سینئررہنما شیری رحمان، سندھ کے وزیربلدیات جام خان شورو اور سابق مشیر نادیہ گبول نے سابق صدر آصف علی زرداری سے ملاقات میں ملک کی موجودہ صورت حال بالخصوص سندھ کی سیاسی صورت حال پر تبادلہ خیال کیا گیا۔سابق صدر آصف زرداری نے دورانِ ملاقات پارٹی رہنمائوں کو آئندہ الیکشن کے لیے تیار رہنے کی ہدایت کی اور کہاکہ کارکنان کسی غلط فہمی میں نہ رہیںکہ 2018 الیکشن کا سال ہے، انہوں نے کہا کہ 2018کے الیکشن میں آصفہ بھٹو جیالوں کے ساتھ ہوں گی اور نواب شاہ سے لیکر ہر ایک حلقہ آصفہ بھٹو کا منتظر ہوگا اور پھر سے دما دم مست قلندر ہوگا۔آصف علی زرداری نے کہا کہ اس بارجو پی پی کے جیالوں کے ساتھ نہیں ہوگا وہ پچھتائے گا اور اگلے سیاسی سیٹ اپ میں عوام کی اپنی حکومت کو دوام حاصل ہوگا۔
آصف زرداری
