پی ٹی آئی کے 263 رہنماؤں، کارکنوں کی نظر بندی کا اعلان
شیئر کریں
حکومت سندھ نے پی ٹی آئی کے 263 رہنماؤں اور کارکنوں کی 30 روز نظر بندی کا اعلان کر دیا۔تفصیلات کے مطابق سندھ حکومت نے ڈھائی سو سے زائد پی ٹی آئی کارکنان کو ایک ماہ کے لیے نظر بند کر دیا ہے، محکمہ داخلہ سندھ نے ایم پی او کے تحت نوٹیفکیشن جاری کر دیا۔گرفتار کارکنوں کو حیدرآباد، سکھر، لاڑکانہ، جیکب آباد، اور خیرپور میرس میں رکھا جائے گا، واضح رہے کہ کراچی میں پی ٹی آئی کے گرفتار کارکنوں کی تعداد 400 سے تجاوز کر گئی ہے۔خیال رہے کہ عمران خان کی گرفتاری کے بعد خیبر پختون خوا میں بھی احتجاجی مظاہروں میں 672 افراد کو گرفتار کیا جا چکا ہے۔ پشاور میں 164، مردان میں 44، نوشہرہ میں 18، ہری پور میں 41 افراد گرفتار ہوئے۔ جب کہ 316 افراد کو دفعہ 144 کی خلاف ورزی کے تحت گرفتار کیا گیا۔رپورٹ کے مطابق گرفتار ہونے والوں میں سابق ارکان اسمبلی بھی شامل ہیں۔
