(سندھ بلڈنگ) کچی آبادی میں بلند عمارتوں کی چھوٹ
شیئر کریں
گارڈن کے علاقے لسبیلہ چوک پر ٹوٹل پیٹرول پمپ کے برابر تنگ گلی میں ناجائز تعمیرات
2رہائشی پلاٹ 381/1 اور 382/2 پر 7 منزلہ عمارت کی تعمیر، سلمان نامی بیٹر مقرر
کھوڑو سسٹم متحرک ، یوٹیلیٹی لائینوں کے غیر قانونی کنکشن ، متعلقہ ذمہ داران کی چشم پوشی
سندھ بلڈنگ کنٹرول اتھارٹی میں رائج کھوڑو سسٹم میں ڈائریکٹر جنرل اسحاق کھوڑو نے کراچی کا بنیادی ڈھانچہ مکمل طور پر تبدیل کرنے کی ٹھان لی ہے،بلڈنک افسران حرص زر میں مبتلا ہو کر انسانی جانوں کیلئے مشکلات پیدا کرنے میں مصروف عمل ہیں ۔موجودہ صورت حال میں رہائشی پلاٹوں پر تعمیر بلند عمارتوں کی تعمیر اور کچی آبادیوں کی تنگ گلیوں میں 7 منزلہ عمارتوں کی تعمیر سیانتظامیہ کی کارکردگی پر کئی سوالات اٹھ رہے ،عوامی شدید ردعمل بھی سامنے آرہا ہے کہ اس بات کا ذمہ دار کون ہے اور اگر اب بھی یہ سلسلہ روکا نہ گیا تو مستقبل قریب میں کراچی کو شدید دشواریوں کا سامنا کرنا ہوگا ،جرآت سروے کے دوران یہ بات دیکھنے میں آئی ہے کہ گارڈن کے علاقے لسبیلہ چوک پر ٹوٹل پیٹرول پمپ کے برابر تنگ گلی کے رہائشی پلاٹوں 381/1 اور 382/2 پر سلمان نامی بیٹر نے 7 منزلہ عمارت تعمیر کرنے کی چھوٹ حاصل کر رکھی ہے جس کے باعث علاقہ میں بنیادی مسائل بڑھنے لگے ہیں اور علاقہ مکین شدید مشکلات کا شکار ہیں سروے پر موجود نمائندہ سے گفتگو کرتے ہوئے انصار نامی شخص کا کہنا ہے کہ جاری خلاف ضابطہ تعمیرات کو جلد سے جلد مسمار کیا جائے۔جاری غیر قانونی تعمیرات پر موقف لینے کے لئے جرآت سروے ٹیم کی جانب سے ڈی جی ہاؤس رابطہ کرنے کی کوشش کی گئی مگر رابطہ نہ ہو سکا۔
