کراچی میں سمندری ہوائیں چل پڑیں

ویب ڈیسک

اتوار, ۱۲ جولائی ۲۰۲۰

شیئر کریں

کراچی میں سمندری ہوائیں چلنے سے حبس اور گرمی کا زور ختم ہوگیا۔محکمہ موسمیات کے مطابق شہر کے جنوب میں سمندری ہواؤں کی معطلی کی وجہ بننے والا ہوا کا دباؤ کم ہوگیا۔محکمے کا کہنا تھا کہ آج سمندری ہوائیں 27 سے 36 کلومیٹر فی گھنٹہ کے رفتار سے چل رہی ہیں۔سمندری ہوائیں بحال ہونے کے باعث کل کے مقابلے میں آج گرمی کی شدت کم رہی۔محکمہ موسمیات کا کہنا ہے کہ آئندہ ہفتے تک مطلع ابر آلود اور دن اور رات میں بوندا باندی کا سلسلہ جاری رہے گا۔تاہم ان کا یہ بھی کہنا تھا کہ 20جولائی سے پہلے مون سون بارش کا کوئی نیا سسٹم بنتا نظر نہیں آرہا۔