ہنڈا موٹرسائیکل سی ڈی 70 کی قیمت میں اضافہ کر دیا گیا

جرات ڈیسک

بدھ, ۱۱ اکتوبر ۲۰۲۳

شیئر کریں

معروف کمپنی ہونڈا اٹلس نے سی ڈی 70 موٹر سائیکل کی نئی ڈیئزائن کے ساتھ قیمت میں اضافے کا اعلان کر دیا۔ ہونڈا کمپنی کی جانب سے گزشتہ کئی ماہ سے اپنی موٹر سائیکلوں کی قیمتوں میں اضافے کا سلسلہ جاری ہے۔ اب سی ڈی 70 کی قیمت 1 لاکھ 57 ہزار 900 روپے کی ریکارڈ سطح پر پہنچ گئی ہے اور سی ڈی 70 ڈریم کی قیمت 1 لاکھ 68 ہزار 900 روپے کی ریکارڈ سطح پر پہنچ گئی ہے۔ کمپنی کی جانب سے نیا ماڈل 2024 نیلے رنگ میں بھی متعارف کرایا گیا ہے۔