کراچی میں سسٹم کے ریونیو افسران کا تبادلہ
شیئر کریں
کراچی میں سسٹم کے روینیو افسران کا تبادلہ۔ شہر کے 25 سب رجسٹرار سمیت سندھ بھر کے 38 سب رجسٹرار کے تبادلے اور تقرریاں کی گئی ہیں۔ جرات کی رپورٹ کے مطابق الیکشن کمیشن کی ہدایت پر بورڈ آف روینیو نے تبادلوں اور تقرریوں کا نوٹیفکیشن جاری کیا گیا ہے۔ کراچی کے بن قاسم ٹاون سے سب رجسٹرار منٹھار زرداری کا تبالہ کر کے فہیم اختر تالپور کو تعینات کیا گیا ہے۔ صدر ٹائون ایک سے کشمیر دھاریجو کو فارغ کرکے دیو پرکاش۔ صدر ٹاؤن سے منصور سومرو کا تبادلہ کرکے ذوالفقار لاکھو۔ کلفٹن ٹاؤن ایک سے امداد قریشی کا تبادلہ کر کے آفتاب کلو?ی اور کلفٹن ٹو سے یاسر شاہ کو فارغ کر کے مشتاق عمرانی کو تعینات کرنے کا نوٹیفکیشن جاری کیا گیا ہے۔ ملیر سے ظہیرالدین بابر سے تبادلہ کر کے نعیم پھلپوٹو۔ شاہ فیصل ٹاؤن سے اسماعیل راہپوٹو کو فارغ کرکے بدرالدین میتلو۔ گلشن اقبال ٹاؤن ون سے آصف سرکی کا تبادلہ کرکے اعجاز کولاچی۔ گلشن اقبال ٹاؤن ٹو میں نعیم پتافی اور گلشن اقبال ٹاؤن تین میں محمد اکبر کو تعینات کیا گیا ہے۔ کراچی کے بلدیہ ٹاؤن سے شاہد ستار کو فارغ کرکے صفدر قریشی۔ جمشید ٹاؤن ایک سے اسماعیل راہپوٹو سے اضافی چارج واپس لے کر شاکر وگھیو کو تعینات کیا گیا ہے۔ جمشید ٹاؤن ٹو میں بھی امداد قریشی سے اضافی چارج واپس لے کر غلام مرتضی پاٹولی۔ لیاقت آباد ٹاون میں شمس الدین دھاریجو کا تبادلہ کر کے احمد علی جونیجو۔ نارتھ ناظم آباد ٹاؤن سے فائق علی شاہ کو فارغ کر کے شکیل ملاح۔ سا?یٹ ٹاؤن سے آصف علی چانڈیو کا تبادلہ کرکے نذیر احمد عمرانی۔ لانڈھی ٹاون سے شتروگن کو فارغ کر کے عبدالحفیظ لاشاری اور کورنگی سے احمد حسین لانگاہ کا تبادلہ کر کے نذیر احمد برہمانی کو تعینات کرنے کا نوٹیفکیشن جاری کیا گیا ہے۔ نیو کراچی میں عابد مری کا تبادلہ کر کے علی شیر کھوسو۔ لیاری میں خرم میمن کو فارغ کر کے غلام مرتضی پتافی۔ گلبرگ ٹاؤن سے جمیل میمن کا تبادلہ کر کے عبدالنبی لاشاری۔ اورنگی ٹاؤن سے عبدالجبار شیخ کو فارغ کر کے فاروق اعظم لغاری۔ گڈاپ ٹاؤن ون میں ولی محمد شیخ کا تبادلہ کر کے ندیم بلوچ۔ گڈاپ ٹاؤن ٹو میں جاوید قاضی کو فارغ کر کے اقبال حسین اور کیماڑی ٹاؤن میں ذوالفقار ناریجو کو فارغ کر کے گل حسن لونڈ کو تعینات کرنے کا نوٹیکیشن جاری کیا گیا ہے۔ حیدرآباد میں ضمیر سومرو۔ منیر شاہ۔ لطیف آباد میں صدیق میمن۔ جامشورو ایاز قاضی۔ سیوہن میں رمیش کمار۔ کشمیر دھاریجو کو سکھر۔ عابد مری کو لاڑکانہ اور امجد بھٹو کو شہید بینظیر آباد میں سب رجسٹرار تعینات کیا گیا ہے۔
