ایس بی سی اے ضلع وسطی ،عدالتی حکم کے برخلاف تعمیرات کی اجازت
شیئر کریں
سندھ بلڈنگ کنٹرول اتھارٹی میں ریحان الائچی پٹہ سسٹم کے تحت غیرقانونی تعمیرات کا سلسلہ بدستور جاری ہے ، ضلع وسطی کے علاقے ناظم آباد میں بغیر نقشے و منظوری خلاف ضابطہ ناجائز تعمیرات جاری ہیں ۔ تفصیلات کے مطابق لیاقت آباد ٹاؤن کے علاقے ناظم آباد میں پلاٹ نمبر 5A.8/26، 5A.9/37، 5C.8/11، 2E.22 پر تعمیرات جاری ہیں ، ریحان الائچی پٹہ سسٹم کے مہرے ڈائریکٹر عامر کمال جعفری ، ڈپٹی ڈائریکٹر منظور چانڈیو ، بلڈنگ انسپکٹر جاوید قدیر ضلع وسطی میں ناجائز تعمیرات کے رکھوالے بنے ہوئے ہیں ، ذرائع کے مطابق ڈائریکٹر جنرل سندھ کی جانب سے عدالت عالیہ کو گمراہ کیا جارہا ہے ، مخصوص مقامات پر ناجائز تعمیرات کی انہدامی کارروائیاں کرکے شہر بھر میں غیر قانونی تعمیرات کروائی جارہی ہیں ، اس مقصد کے لیے ریحان الائچی پٹہ سسٹم میں شامل ایس بی سی اے افسران کو کھلی چھوٹ دی گئی ہے ۔
