اسرائیلی گاڑیوں پر حملہ، 3 یہودی ہلاک اور 8 زخمی
شیئر کریں
مغربی کنارے میں اسرائیلی گاڑیوں پر حملے میں3 یہودی ہلاک اور 8 زخمی ہوگئے،اسرائیلی فوج کا کہنا ہے کہ مشتبہ حملہ آر نوجوان حلیے سے فلسطینی لگتے ہیں جن کی تلاش میں چھاپا مار کارروائی کی جا رہی ہیں۔ اسرائیلی فوج کے مطابق فائرنگ کرنے والے دونوں فلسطینیوں کی تلاش جاری ہے، حماس نے اس حملے کو قابض اسرائیلی فوج کے جرائم کیخلاف دلیرانہ ردعمل کے طور پر سراہا ہے لیکن حملے کی ذمہ داری قبول نہیں کی۔ ڈرائیور سمیت 3 اسرائیلیوں کی حالت نازک ہونے کے سبب ہلاکتوں میں اضافے کا خدشہ ہے ۔ مغربی کنارے کے ایک قصبے میں 2 مسلح افراد نے کار اور ایک بس پر اندھا دھند فائرنگ کردی۔ عالمی خبر رساں ادارے کے مطابق کار اور مسافر بس پر فائرنگ میں 3 اسرائیلی ہلاک اور 8 زخمی ہوگئے۔ زخمیوں کو قریبی اسپتال منتقل کردیا گیا۔ حملے میں ہلاک ہونے والوں میں 60 سال کی 2 خواتین اور 40 سالہ ایک مرد کو جائے وقوعہ پر مردہ قرار دے دیا گیا تھا۔زخمی ہونے والوں میں سے 3 کی حالت نازک ہونے کے باعث ہلاکتوں میں اضافے کا خدشہ ظاہر کیا جا رہا ہے۔
