چیمپئینز ٹرافی، آئی سی سی کا لاہور میں ذیلی دفتر کھولنے پر غور

ویب ڈیسک

اتوار, ۵ جنوری ۲۰۲۵

شیئر کریں

انٹرنیشنل کرکٹ کونسل (آئی سی سی) نے چیمپئینز ٹرافی کیلئے لاہور میں ذیلی دفتر کھولنے پر غور شروع کردیا۔چیئرمین پاکستان کرکٹ بورڈ (پی سی بی) محسن نقوی کی زیر صدارت اہم اجلاس میں پی ایس ایل سمیت میگا ایونٹ کے انتظامات کیلئے مختلف کمیٹیز تشکیل دی جائیں گی۔ اسٹیڈیمز کی اپ گریڈیشن پر بھی تفصیلات شیئر کی جائیں گی،آئی سی سی کی جانب سے پی سی بی کے چیف آپریٹنگ آفیسر سمیر احمد سید کو چیمپئینز ٹرافی کا ڈائریکٹر ٹورنامنٹ مقرر کیا گیا ہے ۔انٹرنیشنل کرکٹ کونسل (آئی سی سی) بھی رواں ماہ لاہور میں اپنا سب آفس قائم کرے گی تاکہ ٹورنامنٹ سے متعلق کوآرڈینیشن اور آپریشنز کو بلاتعطل یقینی بنایا جاسکے ۔پاکستان کرکٹ بورڈ (پی سی بی) نے چیف آپریٹنگ آفیسر سمیر احمد سید کو چیمپئینز ٹرافی 2025 کیلئے انتظامات کی نگرانی کا ذمہ دار بنایا ہے ۔