کراچی سے 60 کروڑ سے زائد مالیت کی آئس برآمد

ویب ڈیسک

پیر, ۴ جنوری ۲۰۲۱

شیئر کریں

پاک بحریہ اور اے این ایف نے مشترکہ کارروائی کے دوران 100کلو گرام آئس تحویل میں لے لی ہے ۔ترجمان پاک بحریہ کے مطابق پاک بحریہ اور اینٹی نارکوٹکس فورس نے ابراہیم حیدری کراچی میں مشترکہ آپریشن کرکے کے 100 کلو گرام آئس تحویل میں لے لی، جس کی عالمی منڈی میں قیمت38لاکھ ڈالر (60کروڑ98 لاکھ 48 ہزار پاکستانی روپے )بنتی ہے ۔ترجمان پاک بحریہ نے بتایا کہ پکڑی گئی منشیات کو سمندر کے راستے نامعلوم مقام پر منتقل کیا جانا تھا، تاہم بروقت کارروائی میں منشیات اسمگل ناکام کردی، ضبط شدہ منشیات مزید قانونی کارروائی کیلئے اینٹی نارکوٹکس فورس کے حوالے کر دی گئی ہے ۔