سپریم کورٹ میں ڈیکلریشن منظور ہوگئی تو پی ٹی آئی پارٹی تحلیل ہوجائے گی، وزیرداخلہ
شیئر کریں
وفاقی وزیرداخلہ رانا ثنااللہ نے کہا ہے کہ سپریم کورٹ میں ڈیکلریشن منظور ہوگئی تو پی ٹی آئی پارٹی تحلیل ہوجائے گی، قانون کہتا ہے حکومت کسی جماعت کی فارن فنڈنگ کے فیصلے پر مطمئن ہو تو کارروائی کرسکتی ہے۔نجی چینل کے مطابق وزیرداخلہ رانا ثنااللہ کا کہنا ہے کہ پی ٹی آئی فارن فنڈنگ سے متعلق الیکشن کمیشن کی ڈیکلریشن سپریم کورٹ کو بھیجی جائے گی، اگر ڈیکلریشن سپریم کورٹ میں منظور ہوگئی تو پارٹی تحلیل ہوجائے گی۔انہوں نے کہا کہ قانون کہتا ہے حکومت کسی جماعت کی فارن فنڈنگ کے فیصلے پر مطمئن ہو تو کارروائی کرسکتی ہے۔ اسی طرح وزیرداخلہ رانا ثنااللہ نے ٹویٹر پر اپنے ٹویٹ میں کہا کہ پی ٹی آئی پر ممنوعہ فنڈنگ کیس میں جرم ثابت ہوچکا ہے، آئینی ادارہ نے عمران خان کو چور ڈکلیئر کر دیا ہے خیرات اور مریضوں کے نام پر پیسہ جمع کرکے سیاست پر لگایا گیا۔فیصلے میں عمران کے بیان حلفی کو بھی غلط قرار دیا گیا۔ فتنہ خان اس فیصلے کی روشنی میں مستند جھوٹا انسان ہے۔ اسی طرح حکومت نے پی ٹی آئی اور عمران خان پر پابندی لگانے پر غور شروع کردیا۔ وفاقی وزیرقانون اعظم نذیر تارڑ اور وفاقی وزیرداخلہ رانا ثنااللہ کا کہنا ہیکہ پی ٹی آئی ارکان کی نااہلی اور عمران خان کی تاحیات نااہلی سے متعلق بھی دیکھا جائے گا، مطالبہ ہے کہ سپریم کورٹ کا فل بنچ معاملے کی سماعت کرے۔وفاقی وزرا اعظم نذیر تارڑ اور رانا ثنااللہ مشترکہ پریس کانفرنس کررہے تھے۔ وفاقی وزیر رانا ثناااللہ نے کہا کہ آج ایک آئینی ادارہ نے عمران خان کو چور ڈکلیئر کر دیا ہے، پی ٹی آئی کے سربراہ نے خیرات کا پیسہ سیاست کیلئے استعمال کیا۔ انہوں نے کہا کہ الیکشن کمیشن کی جانب سے آج جو فیصلہ آیا ہے عمران خان کو قوم سے معافی مانگ کر مستعفی ہونا چاہئے۔
