ذوالفقار علی بھٹو جونیئر تمام تر سرگرمیاں ترک کرنے کے بعد کراچی پہنچ گئے
شیئر کریں
کراچی(رپورٹ : شعیب مختار) دریائے سندھ میں جاری انڈس ڈولفن کی تحقیق سے متعلق تمام تر سرگرمیاں ترک کرنے کے بعد محرم کا مہینہ کراچی میں گزارنے کے لیے بھٹو خاندان کے سیاسی چشم و چراغ ذوالفقار علی بھٹو جونیئر ستر کلفٹن پہنچ گئے آئندہ چند روز میں فاطمہ بھٹو بھی پاکستان آئیں گیں۔تفصیلات کے مطابق حالیہ دنوں سابق وزیراعظم شہید ذوالفقار علی بھٹو کے پوتے اور مرتضیٰ بھٹو کے فرزند کراچی میں موجود اپنے گھر ستر کلفٹن میں رہائش پذیر ہیں ذوالفقار علی بھٹو جونیئر گزشتہ کئی سالوں سے محرم الحرام کا مہینہ لاڑکانہ میں گزارتے تھے رواں سال وہ پہلی مرتبہ کراچی میں محرم کے اختتام تک مستقل رہائش اختیار کرنے کے لیے آئے ہیں ۔حالیہ دنوں ان کی جانب سے ستر کلفٹن میں جلد مجالس کا آغاز کرانے سے متعلق بھی مشاورت شروع جاری ہے ممکنہ طور پر چند روز میں فاطمہ بھٹو اور غنویٰ بھٹو کی بھی کراچی آمد متوقع ہے۔
