عمران خان نے خود پر قاتلانہ حملے کا الزام 3 لوگوں پر عائد کر دیا
شیئر کریں
پاکستان تحریک انصاف کے چیئرمین عمران خان نے اپنے اوپر ہونے والے قاتلانہ حملے کا الزام 3 لوگوں پر عائد کردیا۔ پی ٹی آئی رہنما اسد عمر اور میاں اسلم اقبال نے ایک ویڈیو بیان جاری کیا ہے۔ ویڈیو بیان میں اسد عمر نے کہا کہ عمران خان نے مجھے اور اسلم اقبال کو بلایا اور کہا کہ میری طرف سے یہ بیان جاری کریں کہ میرے پاس پہلے سے اطلاع آ رہی تھی، مجھے 3 لوگوں پر یقین ہے جنہوں نے یہ سب کروایا،عمران خان نے کہا کہ وہ شہباز شریف ،وفاقی وزیرداخلہ رانا ثناء اللہ اور ایک اعلیٰ فوجی افسرہے، ان کے پاس معلومات پہلے سے آرہی تھیں، اس بنیاد پر کہہ رہے ہیں یہ قاتلانہ حملہ ان تینوں نے کروایا۔ اسد عمر کے مطابق عمران خان نے کہا کہ عمران خان نے کہا ہم جہاد پر نکلے ہوئے ہیں، عمران خان نے کہا کہ ہمیں اللہ پر معاملہ چھوڑ دینا چاہیے، اللہ میری حفاظت کرے گا۔ میاں اسلم اقبال نے کہا کہ ہم ان تینوں افراد پر ایف آئی آر کٹوانے جا رہے ہیں، متعلقہ آئی جی کو ہم ایف آئی آر کیلئے درخواست دے رہے ہیں، ان تینوں افراد پر ایف آئی آر درج ہوگی۔ بیان میاں اسلم اقبال نے کہا کہ وزیراعلی پنجاب نے کہا اس واقعے سے متعلق جے آئی ٹی بنائیں گے، ہم عمران خان کی کال کا انتظار کریں گے اور اس کے مطابق چلیں گے۔ پی ٹی آئی رہنما نے کہا کہ کسی کو شک نہیں رہنا چاہیے عمران خان کہتے ہیں حقیقی آزادی کیلئے جان دینے کو تیار ہوں، بہت زیادہ خبریں آ رہی تھی کہ سکیورٹی کا خطرہ ہے، عمران خان کو بتایا کہ یہ خبریں آ رہی ہیں۔ اسد عمر نے کہا کہ دل سے یقین ہے کہ عمران خان پر اللہ کا سایہ ہے، عمران خان نے ساری قوم کے سننے کیلئے یہ پیغام دیا ہے، تمام پارٹی کے ورکرز عمران خان کی کال کا انتظار کریں گے، عمران خان جس وقت بھی کال دیں گے ملک بھر میں احتجاج شروع ہو جائے گا۔
