کراچی میں ہونے والے حالیہ دھماکوں میں بھارتی ایجنسی را ملوث ہے،رپورٹ
شیئر کریں
کراچی میں ہونے والے حالیہ دھماکوں سے متعلق قانون نافذ کرنے والے ادارے نے تجزیاتی رپورٹ تیار کرلی۔ کراچی میں ہونے والے حالیہ دھماکوں سے متعلق قانون نافذ کرنے والے ادارے کی تجزیاتی رپورٹ میں اہم انکشافات سامنے آئے ۔رپورٹ کے مطابق کراچی میں ہونے والے خودکش دھماکے سمیت تینوں بم دھماکوں میں بھارتی خفیہ ایجنسی ‘را’ ملوث ہے۔ رپورٹ میں بتایا گیا کہ کراچی کے علاقے صدر اور کھارادر کی بولٹن مارکیٹ دھماکوں میں تین دہشتگرد گروہوں نے ایک دوسرے کی معاونت کی۔ رپورٹ کے مطابق متحدہ لندن کے سلیپر سیل سے مبینہ طور پر علاقے کی ریکی کا کام لیا گیا۔ رپورٹ میں بتایا گیا کہ ماضی میں اس طرح کے بم بنانے اور نصب کرکے دھماکے کرنے کا کام کالعدم بی ایل اے کا طریقہ رہا ہے، ایس آر اے بھی صوبے کے اندورنی علاقوں میں ایسا کام کرتی رہی ہے۔ رپورٹ کے مطابق حالیہ دھماکوں میں بم نصب کرنے اور دھماکے میں کالعدم ایس آر اے کی مدد لی گئی ہے جب کہ دھماکوں کا مقصد قانون نافذ کرنے والوں کے ساتھ تجارتی علاقوں کو نشانہ بنانا ہے۔
