کامیڈی کے فادرعمر شریف کا انتقال ہوا ہے‘ جونی لیور

ویب ڈیسک

پیر, ۴ اکتوبر ۲۰۲۱

شیئر کریں

بھارت کے معروف کامیڈین اداکار جونی لیور نے کامیڈی کنگ عْمر شریف کے انتقال پر شدید دْکھ کا اظہار کرتے ہوئے کہا کہ یہ عمر شریف کا انتقال نہیں بلکہ کامیڈی کے فادر کا انتقال ہوا ہے۔جونی لیور نے پاکستان کے ایک نجی ٹی وی چینل سے گفتگو کرتے ہوئے پاکستان کے لیجنڈری کامیڈین اور اداکار عمر شریف کے انتقال پر افسوس کا اظہار کیا۔بھارتی اداکار نے مزید کہا کہ ’عمر کا کسی اور سے موازنہ نہ کریں۔ وہ منفرد، ہنر مند انسان تھے اور ان کا موازنہ کسی اور کے ساتھ نہیں کیا جاسکتا۔ ان جیسے لوگ ہزار سال میں ایک بار پیدا ہوتے ہیں۔