عورت مارچ ،ماروی سرمد، طوبی سید و دیگر کیخلاف مقدمہ درج کرنے کا حکم
شیئر کریں
مقامی عدالت نے اسلام آباد میں ہونے والے عورت مارچ کیخلاف مقدمے کے اندارج کا حکم دیدیا۔ہفتہ کوکراچی سٹی کورٹ میں ایڈیشنل اینڈ سیشن جج سائوتھ کے روبرو عورت مارچ کیخلاف درخواست کی سماعت ہوئی۔درخواست گزار جی ایم ایڈووکیٹ نے موقف اختیار کیا کہ اسلام آباد میں ہونے والے عورت مارچ کو ہم نے کراچی بار میں لگے ٹی وی پر دیکھا، عورت مارچ کیخلاف کراچی بار نے مذمتی قرارداد بھی منظور کی۔ کیونکہ اس میں انتشار پھیلانے والے، فحش اور اسلام مخالف نعرے لگائے گئے جس سے توہینِ اسلام ہوئی۔ اس حوالے سے ہم نے 15 مارچ کو تھانے میں درخواست دی لیکن درخواست وصول نہیں کی گئی۔ عدالت سے استدعا ہے کہ پولیس کو مقدمہ درج کرنے کا حکم دیا جائے۔عدالت نے ماروی سرمد اور طوبی سید و دیگر کیخلاف ایف آئی آر درج کرنے کا حکم دیدیا۔ عدالت نے سٹی کورٹ پولیس کو جی ایم آرائیں ایڈووکیٹ کا بیان ریکارڈ کرکے کارروائی کرنے کا حکم دیدیا۔
