وزیراعظم کے معاون خصوصی برائے انسداد پولیو پروگرام بابر بن عطا مستعفی
شیئر کریں
وزیراعظم عمران خان کے معاون برائے انسداد پولیو بابربن عطا اپنے عہدے سے مستعفی ہو گئے ۔ بابربن عطا نے سماجی رابطوں کی ویب سائٹ ٹوئٹر پر لکھا کہ وہ ذاتی وجوہات کی بنا پر مستعفی ہو رہے ہیں۔انہوں نے کہا کہ اس وقت کے دوران مجھے دنیا کے بہترین دماغوں کے ساتھ کام کرنے کا موقع ملا اور پاکستان پولیو پروگرام کوقلیل عرصے میں بہترین نتائج کا حامل پروگرام بنایا۔ انہوں نے کہا کہ انہوں نے پاکستان کو پولیو فری ملک بنانے کے لیے ہر ممکن کوشش کی۔ بہت جلد ایک سیل کا افتتاح کیا جائے گا جو پولیو ویکسین کے حوالے 24 گھنٹے لوگوں کو آگاہی فراہم کرے گا۔معاون خصوصی نے لکھا کہ پاکستان بہت جلد پولیو سے ہمیشہ کے لیے نجات پا لے گا اور ہمیں اس موقع کو گنوانا نہیں چاہئے ۔انہوں نے کہا کہ امید ہے میری جگہ نیا آنے والا بھی پولیو کے خاتمے کا مشن جاری رکھے گا، پولیو ورکرز کی ان تھک محنت کو خراج تحسین پیش کرتا ہوں۔
