منشیات فروشوں،کی سرپرستی، سندھ پولیس کے 16افسران، اہلکاروں کو سزائیں
شیئر کریں
سندھ پولیس کے 16 افسران و اہلکاروں کومنشیات فروشوں اور گٹکا ماوا ڈیلرز کی سرپرستی کے الزامات پرسزائیں سنادی گئیں آئی جی سندھ کے احکامات پر سندھ پولیس کے 16 افسران و اہلکاروں کے خلاف کارروائی کی گئی کچھ افسران پر ایس ایچ اوز اور ہیڈ محررز سے بھتہ لینے کے الزامات ہیں سزائیں پانے والوں میں پانچ سب انسپکٹرز اور چار انسپکٹرز،پانچ ہیڈ کانسٹیبل اور دو سپاہی بھی شامل ہیں کراچی پولیس کے انسپکٹر شاہ رخ اور سب انسپکٹرز صالح مہیسر کے علاوہ راو فیاض کو نوکری سے برطرف کردیا گیا کراچی کے سب انسپکٹر فخر عالم کو فائنل شوکاز نوٹس دیدیا گیا۔کراچی کے انسپکٹر احسان چنا اور انسپکٹر عامر حمید کے عہدے میں تنزلی کردی گئی دونوں افسران پر تھانیداروں اور ہیڈ محررز سے بھتہ لینے کا الزام تھا۔کراچی پولیس کے ہیڈ کانسٹیبل محمد احمد اور سپاہی ظفر چانڈیو کی دو سال سروس کم کردی گئی۔ہیڈ کانسٹیبل رانا تسلیم کو نوکری سے برطرف کردیا گیا۔مٹیاری پولیس کے ہیڈ کانسٹیبل اعجاز لانگاہ اور ٹنڈو الہ یار پولیس کانسٹیبل عمران پٹھان کو نوکری سے برطرف کردیا گیا۔دادو پولیس کے سب انسپکٹر وحید شیخ کی دو سال کی سروس کم کردی گئی۔سجاول پولیس کے ہیڈ کانسٹیبل عبد الحفیظ کو نوکری سے برطرف کردیا گیا۔لاڑکانہ پولیس کے ہیڈ کانسٹیبل علی محمد کھوسو کی ایک سال کی سروس کم کی گئی ہے سکھر پولیس کے سب انسپکٹر کاشف حسین کو نوکری سے برطرف کردیا گیا۔لاڑکانہ پولیس کے انسپکٹر حنیف کھوسو کی ایک سال سروس کم کردی گئی۔
