ناظم جوکھیوقتل کیس کے نامزد ملزم جام عبدالکریم کراچی پہنچ گئے
جرات ڈیسک
جمعرات, ۳۱ مارچ ۲۰۲۲
شیئر کریں
ناظم جوکھیو قتل کیس میں نامزد پاکستان پیپلزپارٹی کے رکن قومی اسمبلی جام عبدالکریم کراچی پہنچ گئے۔ نجی ٹی وی کے مطابق جام عبدالکریم غیرملکی پرواز کے ذریعے کراچی پہنچے، کراچی میں جام عبدالکریم کا استقبال کرنے والوں میں پارٹی وزرا ء امتیاز شیخ، سہیل سیال اور شبیر بجارانی شامل تھے۔ ایئرپورٹ سے جام عبدالکریم سخت سیکورٹی میں روانہ ہوگئے ہیں، جام عبدالکریم مقتول ناظم جوکھیو کے گھر جاکر اہل خانہ اور انکی بیوہ سے ملیں گے۔ جام عبدالکریم تحریک عدم اعتماد میں اپنا ووٹ بھی استعمال کریں گے۔ جام عبدالکریم ناظم جوکھیو قتل مقدمے میں سندھ ہائیکورٹ سے 3 اپریل تک حفاظتی ضمانت پر ہیں۔
