وزیرِ اعظم کاسیلابی صورتحال پر اعلیٰ سطح کا اجلاس بلانے کا فیصلہ
شیئر کریں
شہباز شریف نے آبی ذخائر کی تعمیر کی حکمت عملی پر کام شروع کر دیا ، ورکنگ پیپر صوبائی حکومتوں سے شیٔر کیا جائیگا
موسمیاتی تبدیلی ایک حقیقت،مون سون کے اثرات سے بروقت نمٹنے کیلئے موثر پالیسی مرتب کرنے پر کام جاری
وزیرِ اعظم محمد شہباز شریف کے احکامات پر موسمیاتی تبدیلی اور مون سون سے ہونے والے اثرات سے بروقت نمٹنے کے لیے ایک موثر پالیسی مرتب کرنے پر کام جاری ہے ، اس پالیسی کا ورکنگ پیپر تمام صوبائی حکومتوں سے شیٔر کیا جائے گا، تاکہ اس بنیاد پر ایک مشترکہ لائحہ عمل بنایا جا سکے۔ہنگامی صورتحال سے نکلتے ہی، وزیرِ اعظم کا ایک اعلیٰ سطح کا اجلاس بلانے کا فیصلہ کیا ہے جس میں چاروں صوبوں کے وزراِئے اعلیٰ اور دیگر متعلقہ اداروں کے سربراہان بھی شریک ہونگے ،وزیراعظم آزاد کشمیر اور وزیر اعلیٰ گلگت بلتستان کو بھی اس اجلاس میں مدعو کیاجائیگا۔وزیراعظم نے کہا کہ چاروں صوبوں، آزاد کشمیر اور گلگت بلتستان میں آبی ذخائر کی تعمیر اور پانی کے بہتر انتظام کیلئے حکمت عملی بنائی جارہی ہے،آبی ذخائر مشاورت اور تمام صوبوں کی مکمل ہم آہنگی سے بنائے جائیں گے ،موسمیاتی تبدیلی ایک حقیقت ہے، اسکی موثر تیاری سے ہی قدرتی آفات کے نقصانات سے بچا جا سکتا ہے ،چاروں صوبوں، آزاد کشمیر، گلگت بلتستان اور فاق کو مل کر موسمیاتی تبدیلی کے مضر اثرات سے لوگوں کو بچانا ہے ،یہ ایک قومی مسئلہ ہے جس پر سب کو مل کر کام کرناہے۔
