معروف نعت خواں یوسف میمن انتقال کرگئے
ویب ڈیسک
اتوار, ۲۷ اکتوبر ۲۰۱۹
شیئر کریں
معروف نعت خواں یوسف میمن طویل علالت کے بعد کراچی میں انتقال کرگئے ، ان کی نماز جنازہ(آج) پیر کو بعد نماز ظہر پہاڑی مسجد شہید ملت روڈ پر ادا کی جائے گی۔”مجھے د ر پہ پھر بلانا مدنی مدینے والے ” ،”جس نے مدینے جانا کر لو تیاریاں” جیسی مسحور کن نعتیں پڑھنے والے معروف نعت خوان یوسف میمن اتوار کی صبح انتقال کرگئے ۔یوسف میمن طویل عرصے سے سانس کی تکلیف میں مبتلا تھے ، ان کی عمر 60 برس تھی۔ مرحوم کی نماز جنازہ پیر کو بعد نماز ظہر پہاڑی مسجد شہید ملت روڈ پر ادا کی جائے گی۔
