مون سون کا دوسرا اسپیل کراچی سے رخصت، بالائی سندھ میں ابھی باقی

جرات ڈیسک

بدھ, ۲۶ جولائی ۲۰۲۳

شیئر کریں

محکمہ موسمیات کے چیف میٹرولوجسٹ سردار سرفراز نے کہا ہے کہ کراچی میں مون سون سسٹم کا دوسرا اسپیل ختم لیکن بالائی سندھ میں ابھی مزید بارش کا امکان ہے۔ دوسری جانب محکمہ موسمیات نے کراچی میں ہونے والی بارش کے اعداد و شمار جاری کرتے ہوئے کہا کہ مون سون کے دوسرے اسپیل کے دوران سب سے زیادہ بارش گلشن حدید میں 23 ملی میٹر جبکہ سب سے کم گلشن معمار اور نارتھ کراچی میں 1.2 ملی میٹر ریکارڈ ہوئی۔ محکمہ موسمیات کے جاری کردہ دیگر اعداد و شمار کے مطابق سرجانی میں 14.5، گڈاپ 12.4، اورنگی ٹاؤن میں 12ملی میٹر بارش ریکارڈ کی گئی۔ اس کے علاوہ سعدی ٹاؤن میں 4.1 ، فیصل بیس پر 4 ، یونیورسٹی روڈ پر 2.8، کورنگی 2.2 اور اولڈ ائیرپورٹ پر 1.5ملی میٹر بارش ریکارڈ ہوئی۔