ایم کیو ایم کے دہشت گرد حامد پیا نے کچا چٹھا کھول دیا
شیئر کریں
ایم کیوایم لندن کے دہشت گرد حامد پیا کے اہم انکشافات پرمبنی بیان سامنے آگیا ، جس میں اس نے بتایا کہ 1993 سے لے کر مفروری تک کیا کچھ کیا۔تفصیلات کے مطابق کراچی میں رینجرز اور سٹی ڈسٹرکٹ کے تھانے عیدگاہ کے ہاتھوں گرفتار ہونے والا مبینہ دہشت گرد حامد عرف پیا پولیس اہلکاراور سیاسی مخالفین کی ٹارگٹ کلنگ سمیت دہشت گردی کی متعدد وارداتوں میں ملوث نکلا۔گرفتار ایم کیوایم لندن کے دہشت گرد نے اپنے بیان میں بڑے انکشافات کرتے ہوئے بتایا کہ 1993 سے لے کر مفروری تک کیا کچھ کیا۔حامد عرف پیا نے کہا کہ 1993میں ایم کیو ایم حقیقی میں شامل ہوا تھا، آفاق احمد کے کہنے پر ہڑتالیں کرتے اور دکانیں بند کراتے تھے ، پولیس موبائلوں اور دکانوں پرفائرنگ کرتے تھے ۔گرفتار دہشت گرد کا کہنا تھا کہ حقیقی میں تھاتو ایم کیو ایم کے بندے مارتے تھے ، ایم کیو ایم میں شمولیت کی تو پھرحقیقی کے بندے مارے ، پولیس اہلکارفاروق کوبھی مارا۔ملزم نے مزید بتایا کہ پولیس مقابلے میں گولی لگی جس سے ٹانگ کاٹنی پڑی، سونے کی دکانیں اور ٹرک لوٹے ، ڈکیتیوں کی متعدد وارداتیں کیں۔حامد نے مزید کہا کہ پشاورسے آنے والا اسلحہ لیاری میں دیتا جو دہشت گردی کیلئیاستعمال ہوتاتھا ، حکام کا کہنا ہے کہ گرفتار ملزم سے مزید تفتیش کریں گے ۔
