سعودی عرب میں تیل کے راستوں کی حفاظت کیلیے فوج اور دفاعی نظام بھیجیں گے، فرانس
شیئر کریں
فرانسیسی فوجی سعودی عرب کے بحیرہ احمر کے ساحلی شہر ینبع کی حفاظت کے لیے تعینات ہوں گے،ایمانوئل میکرون
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فرانسیسی صدر ایمانوئل میکرون نے اقوام متحدہ کی جنرل اسمبلی کے اجلاس میں اپنی تقریر کے دوران سعودی عرب اپنی فوج بھیجنے کا اعلان کردیا۔عالمی خبر رساں ادارے کے مطابق فرانسیسی صدر ایمانوئل میکرون نے کہا ہے کہ ہم سعودی عرب کے بحیرہ احمر کے ساحلی شہر ینبع کی حفاظت کے لیے فوجی اہلکار، ریڈار اور دفاعی نظام بھیجیں گے۔ایمانوئل میکرون نے یہ بھی واضح کیا کہ اس مقصد کے لیے سعودی عرب کے ساتھ معاہدے کو حتمی شکل دے دی ہے، فرانس کا مقصد ینبع کے اہم توانائی مرکز کو محفوظ بنانا ہے کسی تنازع میں براہِ راست شامل ہونا نہیں۔
خیال رہے کہ ینبع سعودی تیل کی برآمد کے لیے اہم بندرگاہ ہے اور آبنائے ہرمز میں جاری کشیدگی کے باعث اس راستے کی اہمیت مزید بڑھ گئی ہے۔حوثیوں نے حالیہ دنوں میں ینبع میں سعودی آرامکو کی تنصیبات کو بھی نشانہ بنانے کا دعوی کیا تھا جس میں اہم پائپ لائن تباہ ہوگئی تھی۔تاہم سعودی عرب نے دعوی کیا ہیمکہ ایسٹ ویسٹ تیل پائپ لائن دوبارہ فعال کر دی ہے جو خلیج کے بجائے بحیرہ احمر کے راستے تیل کی ترسیل میں مدد دیتی ہے۔
