قومی ٹیم کے چیف سلیکٹر محمد وسیم عہدے سے فارغ

جرات ڈیسک

جمعه, ۲۳ دسمبر ۲۰۲۲

شیئر کریں

پاکستان کرکٹ بورڈ کے چیف سلیکٹر محمد وسیم کو عہدے سے فارغ کردیا گیا۔ ذرائع کے مطابق 2019 کا آئین ختم ہونے کے باعث اب گورننگ بورڈ کا وجود نہیں رہا۔ ذرائع کا کہنا ہے کہ پی سی بی مینجمنٹ کمیٹی نے گورننگ بورڈ کے اراکین کو گورننگ بورڈ ختم ہونے کی اطلاع دے دی ہے۔ گورننگ بورڈ کے اراکین کو پیغام میں دیے گئے نوٹی فکیشن کے مطابق 2019 کے آئین کی منسوخی کے ساتھ ہی گورننگ بورڈ ختم ہو چکا ہے۔ ذرائع کا کہنا ہے کہ محمد وسیم کو دوپہر کے اوقات میں ای میل کر کے اطلاع دی گئی۔ محمد وسیم کو دیے گئے پیغام کے مطابق ان کی تقرری 2019 کے آئین کے تحت ہوئی تھی، جس کی وجہ سے اب ان کا عہدہ نہیں رہا۔ ذرائع کا کہنا ہے کہ ویمن سلیکشن کمیٹی اور جونئیر سلیکشن کمیٹی کی بھی از سر نو تشکیل ہو گی۔