ٹیکس فائلرز کی تعداد میں 13 لاکھ 60 ہزارکا اضافہ
شیئر کریں
فیڈرل بورڈ آف ریونیو (ایف بی آر) کے ریکارڈ میں انکم ٹیکس فائلرز کی تعداد میں ایک سال کے دوران 69 فیصد اضافہ ہوا ہے۔ایف بی آر ذرائع کے مطابق ایک سال کے دوران انکم ٹیکس فائلرز کی تعداد میں 13 لاکھ 60 ہزار زیادہ اضافہ ہوا، جو ایک ریکارڈ ہے۔ان لینڈ ریونیو آپریشنز کے سربراہ بختیار محمد کے مطابق 21 اگست 2019 تک انکم ٹیکس فائلرز کی تعداد 25 لاکھ ہوگئی تھی، یہ تعداد گزشتہ سال 15 لاکھ تھی۔انہوںنے کہاکہ ایف بی آر کی تاریخ میں پہلی بار انکم ٹیکس فائلرز کی تعداد 25 لاکھ تک جا پہنچی ہے، جو کہ حوصلہ افرا بات ہے۔بختیار محمد کے مطابق وزیر اعظم عمران خان اور مشیر خزانہ عبدالحفیظ شیخ نے انکم ٹیکس فائلرز کی تعداد میں اضافے پر ایف بی آر چیئرمین شبر زیدی اور ان کی ٹیم کی کاوشوں کی تعریف کی ہے۔اسٹیٹ بینک آف پاکستان کے تازہ اعداد و شمار کے مطابق حکومتی اقدامات کی وجہ سے پاکستان کے جاری کھاتوں کے خسارے میں 73 فیصد کمی واقع ہوئی ہے۔اسٹیٹ بینک آف پاکستان کے مطابق جولائی 2018 میں جاری کھاتوں کا خسارہ 2.13 ارب ڈالر تھا، جو 2019 میں کم ہوکر 579 ملین ڈالر رہ گیا، جو کہ مجموعی خسارے کا 72 فیصد ہے۔اسٹیٹ بینک کے اعداد و شمار کے مطابق گزشتہ ماہ جاری کھاتوں کا خسارہ کم ہوکر مجموعی گھریلو پیداوار (جی ڈی پی) کا 2.5 فیصد رہ گیا۔ 2018 میں یہ جی ڈی پی کا 8.3 فیصد تھا۔
