زرتاج گل کی گرفتاری کے لیے خصوصی ٹیم تشکیل ،چھاپے مارنا شروع

ویب ڈیسک

منگل, ۲۲ اگست ۲۰۲۳

شیئر کریں

پاکستان تحریک انصاف کی رہنما زرتاج گل کی گرفتاری کے لیے خصوصی ٹیم تشکیل دے دی گئی۔ رہنما تحریک انصاف زرتاج گل پر ترقیاتی منصوبوں میں کرپشن، کک بیکس اور خورد برد کے الزامات عائد کیے گئے ہیں۔بتایا گیا ہے کہ اینٹی کرپشن نے سابق وفاقی وزیر مملکت و رکن قومی اسمبلی زرتاج گل کے گرد گھیرا تنگ کرتے ہوئے ان کی گرفتاری کے لیے چھاپے مارنا شروع کر دئیے۔شہری اسفند جنید کی جانب سے زرتاج گل اور ان کے شوہر ہمایوں اخوند کے خلاف کرپشن کے الزامات پر مقدمہ درج کیا گیا۔زرتاج گل اور ان کے شوہر پر الزام ہے کہ انہوں نے مختلف ترقیاتی منصوبوں میں 10 فیصد تک کمیشن لیا۔گذشتہ روز ایک رپورٹ میں بتایا گیا تھا کہ زرتاج گل کیخلاف مقدمے کے اندراج کے بعد ان کی گرفتاری کیلئے گھر پر چھاپہ مارا گیا تھا۔