سندھ کے لیے اسکیم نہیں رکھی گئی توساتھ نہیں چل سکتے مراد علی شاہ کی وفاق کو دھمکی
شیئر کریں
وزیراعلیٰ سندھ سید مراد علی شاہ نے وفاق کو دھمکی دیتے ہوئے کہا ہے کہ اگر سندھ کی اسکیم نہیں رکھی گئیں تو حکومت کے ساتھ نہیں چل سکتے، وفاق کو سندھ کو ترجیح دینا ہوگی، کراچی کی اسکیم کے پیسے رکھنا ہوں گے۔ قومی اسمبلی میں خطاب کے دوران انہوں نے کہا کہ وزیراعظم شہباز شریف نے اپنی تقریر میں کہا 1750ارب روپے رکھے ہیں، سندھ کے ساتھ ناانصافی قبول نہیں سندھ حق ملنا چاہئے، اس طرح کام نہیں چل سکتا ہے۔انہوں نے کہا کہ کل وزیر اعظم سے ملکر آیا ہوں 7 نئی اسکیمیں ڈالی گئی، وفاق سے 29 ارب روپے رکھے گئے، ہم نے کل کہا کہ سندھ کے ساتھ زیادتی نہیں ہونے دیں گے، آئندہ چند روز میں ہماری میٹنگ ہے ہاؤسنگ کی اسکیم میں ون تھرڈ ہم نے اور آپ نے ملکر کرنا ہے، اسکیم کیلئے انہوں نے 25 ارب رکھے ہیں۔وزیراعلیٰ سندھ نے کہا کہ ترقیاتی سیکٹر میں ہم اس سال تین سوارب سے تجاوزکریں گے، کے فور منصوبے کیلئے 34 ارب رپے رکھے گئے تھے، میں نے مخالفت کی یہ منصوبہ مکمل نہیں ہو سکتا، اس منصوبے کیلئے دوبارہ کمیٹی بنائی گئی اور اس میں جو خرابی تھی اس کو درست کیا گیا۔
