پی ایس کیو سی، اربوں روپے ٹیکس وصولی میں سسٹم مافیا رکاؤٹ نکلی
شیئر کریں
(رپورٹ /منور علی پیرزادہ ) ٹیکس نیٹ ورک بڑھانے کی حکومتی پالیسی کے خلا ف وزارت سائنس وٹیکنالوجی کے ماتحت اداروں میں تعینات افسران سرگرم ہیں ، پاکستان اسٹینڈرڈ کوالٹی کنٹرول اتھارٹی کا صرف ایک شعبہ کنفرمیٹی اسیسمنٹ کراچی کے افسران سرکاری خزانے کو محصولات کی مد میں بھاری نقصان پہنچا رہے ہیں حالانکہ صنعتوں و اشیاء کو پاکستا ن اسٹینڈرڈ کوالٹی کنٹرول کے دائرے میں لانا،معیارات کی جانچ کرنا غیر معیاری اشیاء کیخلاف کارروائی کرنا کنفرمیٹی اسیسمنٹ کراچی کی ذمہ داری ہے ، اربوں روپے محصولات وصولی کے مختلف ذریعوں کو سسٹم مافیا نے اپنی ناجائز آمدن کا ذریعہ بنا رکھا ہے ، ہزاروں صنعتوں کو جان بوجھ کر رجسٹرڈ نہیں کروایا جاتا تاکہ ناجائز آمدنی کا ذریعہ بحال رکھا جاسکے ، کنفر میٹی اسیسمنٹ کراچی کے شعبے میں تعینات ڈائریکٹر اشرف پالاری ، ڈپٹی ڈائریکٹر انچارج ساجد بھٹو ، فیلڈ آفسر امتیاز علی میمن ودیگر فیلڈ افسران سرکاری خزانے کو محصولات کی مد میں خسارہ پہنچارہے ہیں ، محکمہ جاتی ذرائع کے مطابق پی ایس کیو سی اے میں اس سسٹم کو وزارت سائنس وٹیکنالوجی کے جوائنٹ ٹیکنالوجیکل ایڈوائزر اشفاق احمد میمن کی سرپرستی حاصل ہے ، یہی وجہ ہے کہ سسٹم میں شامل افسران کو غیر قانونی طور پر برسوں سے کنفرمیٹی اسیسمنٹ کے شعبے میں تعینات رکھا گیا ہے ، محکمہ جاتی ذرائع کا دعوی ہے کہ یہ افسران ماہانہ کروڑوں روپے بٹورتے ہیں ، جس کی وصولی کیلئے نجی افراد مامور ہیں ، جس حقیقت کو وفاقی حکومت اور بدعنوانی کی روک تھام پر مامور اداروں نے دانستہ نظر انداز کر رکھا ہے۔
