سندھ حکومت حکمرانی کی آڑ میں کرپشن کر رہی ہے، ڈاکٹرفاروق ستار
شیئر کریں
مہاجر ، پختونوں کو لڑانے کی پھرسازش کی جا رہی ہے، آفاق احمد کو عجلت میں گرفتار کیا گیا
ڈمپر جلانے کا سلسلہ ختم نہیں ہوگا، چاہے تو اس بیان پر مجھے بھی گرفتار کرلیں، پریس کانفرنس
ایم کیو ایم پاکستان کے سینئررہنما ڈاکٹر فاروق ستار نے کہا ہے کہ آج پھر مہاجر اور پختونوں کو لڑوانے کی سازش کی جا رہی ہے،ماضی میں بھی اس طرح کے حالات پیدا کیے گئے تھے،ایک لاوا پک رہا ہے جو کسی بھی وقت پھٹ سکتا ہے، آفاق احمد کو عجلت میں گرفتار کیا گیا جس کی بھرپور مذمت اور رہائی کا مطالبہ کرتے ہیں۔ایم کیو ایم رہنما نے پریس کانفرنس کرتے ہوئے پیپلزپارٹی کی حکومت کو شدید تنقید کا نشانہ بنایا۔ اُنہوں نے کہا کہ متحدہ قومی موومنٹ پاکستان کے رہنما فاروق ستار نے کہا ہے کہ ایک لاوا پک رہا ہے جو کسی بھی وقت پھٹ سکتا ہے ۔ سندھ حکومت کا ظلم اور نا انصافی کا سلسلہ جاری ہے ، سندھ حکومت اقتدار کی آڑ میں بدعنوانی اور مجرمانہ غفلت کا مظاہرہ کر رہی ہے ۔فاروق ستار نے کہا کہ حکومتِ سندھ 61 سالوں سے حکمرانی کی آڑ میں کرپشن کر رہی ہے ، سندھ میں کہیں پر آئین اور قانون کی حکمرانی نظر نہیں آتی۔ڈاکٹرفاروق ستار نے کہا کہ ڈمپر جلانے کے پیچھے نہ آفاق ہیں نہ ایم کیو ایم، ہم عوام کی کیفیت بیان کررہے ہیں۔ شہر میں ڈمپر جلانے کا سلسلہ ختم نہیں ہوگا، اب چاہے تو اس بیان پر مجھے بھی گرفتار کرلیں، شہر میں لسانی فسادات کیلئے ایک بار پھر اسٹیج سجایا جارہا ہے، آفاق احمد کی گرفتاری کے باوجود مسئلہ حل نہیں ہوگا۔ قانون نافذ کرنے والوں کو ابھی سے بلایا جائے، رینجرز کو تنخواہ سندھ کے خزانے سے جارہی ہے، رینجرز کو ٹریفک پولیس کے ساتھ سڑکوں پر کھڑا کیاجائے، رینجرز کو ان واقعات کی پیشگی روک تھام کے لیے استعمال کیا جائے۔انہوں نے کہا کہ بدترین طرز حکمرانی ملک دشمنی ہے، پنڈی والے کہتے ہیں کہ سسٹم کو اکھاڑ دیں گے مگر سسٹم موجود ہے، چغلی کرنے والوں کو دھمکایا جاتا ہے، روک سکتے ہیں تو چغلی سننے والوں کو بھی روکیں، ہمارے اہم فیصلوں اور پالیسیوں میں گورنر سندھ کا اہم کردار ہے۔انہوں نے کہا کہ کراچی کی موجودہ صورتحال انتہائی تشویش ناک ہے، یہاں حالات کسی وقت بھی ایٹم بم کی طرح پھٹ سکتے ہیں، 100 افراد کی ہلاکت کے باوجود وزیر اعلیٰ یا کسی اعلیٰ قیادت کی جانب سے کوئی ہمدردی کا بیان نہیں آیا۔ شہر کی صورتحال پر حکومت کو فورا تلاش کرنا ہوگا، ورنہ 85 سے زیادہ بدتر حالات کا سامنا کرنا پڑے گا، پر امن احتجاج اور عوامی رابطے کے علاوہ کوئی راستہ نہیں، جماعت اسلامی بھی اس میں اپنا حصہ ڈالے جو اس وقت پیپلز پارٹی کی بغل میں چھپی ہے۔فاروق ستار نے کہا کہ ایم کیو ایم نے ہمیشہ بھائی کو بھائی سے لڑانے کی سازشوں کو ناکام بنایا ہے اور اگر یہ سلسلہ جاری رہا تو سازش کامیاب ہو جائے گی۔ ایم کیوایم رہنما نے کہاکہ ڈمپر مافیا قانون کو ہاتھ میں لے کر شہر میں ریاست چلا رہا ہے اور جرائم مافیا اپنے مفادات کو فروغ دے رہا ہے۔
