پشاور اسکول سانحے میں جاں بحق تمام بچوں کی شناخت مکمل ہوگئی
شیئر کریں
رات گئے شناخت کا عمل مکمل ہونے کے بعد تمام میتوں کو ورثا کے حوالے کر دیا گیا ، ترجمان لیڈی ریڈنگ ہسپتال
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لیڈی ریڈنگ ہسپتال میں دیر کالونی سکول سانحے کے تمام جاں بحق بچوں کی شناخت کا عمل مکمل کر لیا گیا۔ انتظامیہ کے مطابق ہسپتال میں لائی جانے والی 32 بچوں اور ایک ٹیچر کی لاشوں کو شناخت کے بعد باقاعدہ ورثا کے حوالے کر دیا گیا ہے۔ ترجمان محمد عاصم کے مطابق اب ہسپتال میں سانحے کا کوئی بھی زخمی بچہ موجود نہیں ہے۔ ہسپتال کے ترجمان نے بتایا کہ تمام زخمی بچوں کو گزشتہ روز ضروری طبی امداد کی فراہمی کے بعد ڈسچارج کر دیا گیا تھا، جبکہ ہسپتال میں کل 27زخمی بچوں کو بروقت طبی امداد فراہم کی گئی تھی۔انہوں نے وضاحت کی کہ ابتدائی طور پر 4لاشوں کی شناخت نہیں ہو رہی تھی، تاہم رات گئے ان کی شناخت کا عمل مکمل ہونے کے بعد تمام میتوں کو ورثا کے حوالے کر دیا گیا ہے۔
