حماس کی فلسطین کے لئے قربانیاں بے مثال ہیں،مولانا فضل الرحمن
ویب ڈیسک
جمعه, ۱۵ دسمبر ۲۰۲۳
شیئر کریں
جمیعت علمائے اسلام (جے یو آئی) کے سربراہ مولانا فضل الرحمن نے کہا ہے کہ فلسطینیوں کی جدوجہد آزادی میں ان کے شانہ بشانہ ہیں۔مولانا فضل الرحمن نے حماس کے یوم تاسیس پر تہنیتی پیغام میں کہا کہ حماس کی فلسطین کی آزادی کے لئے دی گئی قربانیاں بے مثال ہیں، فلسطینیوں کی جدوجہد آزادی میں ان کے شانہ بشانہ ہیں۔مولانا فضل الرحمان کا کہنا تھا کہ اسرائیل آج فلسطین میں انسانی حقوق پامال کررہا ہے لیکن عالمی برادری خاموش تماشائی کا کردار ادا کررہی ہے۔ انہوں نے زور دیا کہ تنظیم تعاون اسلامی (او آئی سی) اپنا کردار ادا کرے۔
