سیکیورٹی کمپنی کا وین ڈرائیور20 کروڑ روپے لیکر فرار
شیئر کریں
شہر قائد میں نجی سیکیورٹی کمپنی کا وین ڈرائیور طارق روڈ سے بینک کے 20کروڑ روپے کی خطیر رقم لوٹ کر فرار ہوگیا،واقعے کے 2 مقدمات سیکیورٹی کمپنی کی مدعیت میںمٹھادرتھانے میںڈرائیور کے خلاف درج کرلیے گئے ہیں۔ مقدمے میں امانت میں خیانت کی دفعات بھی شامل کی گئیں۔۔تفصیلات کے مطابق شہر قائد میں راہزنی کی وارداتیں تھم نہ سکی کراچی میں رقم لوٹنے کی ایک اور بڑی واردات رونما ہوگئی جس میں سیکیورٹی کمپنی وین ڈرائیور ہی رقم لوٹ کر بھاگ نکلا، واردات 9 اگست کو صبح ساڑھے 9 بجے پیش آئی جس کا مقدمہ میٹھا در تھانے میں درج کیا گیا ہے۔پولیس نے واقعے کی تفصیلات کچھ اس طرح بتائیں کہ نجی سیکیورٹی کمپنی کی وین طارق روڈ سے بینک کی رقم منتقل کرنے کیلیے روانہ ہوئی تھی۔پولیس نے ابتدائی رپورٹ میں بتایا کہ آئی آئی چندریگر روڈ پہنچنے کے بعد گارڈز کچھ رقم لے کر نیچے اترے اور اسی دوران وین ڈرائیور گاڑی لیکر فرار ہوگیا۔اس حوالے سے پولیس نے کہا کہ وین میں 20 کروڑ روپے کی رقم موجود تھی، ڈرائیور نے وین مسکین گلی میں چھوڑ دی اور رقم لیکر بھاگ نکلا۔اس ضمن میں ڈی آئی جی سائوتھ اکبر ریاض نے بتایاکہ سیکیورٹی کمپنی کا ڈرائیور کیش ڈلیوری کیلئے نکلا اور رقم لے کر غائب ہوگیا، واقعے کے 2 مقدمات درج کرلیے گئے ہیں، واقعے کا مقدمہ 506 بی کی دفعات کے تحت درج کیا گیا ہے۔اکبر ریاض کے مطابق واقعہ کا ایک اور مقدمہ ڈرائیور کے خلاف درج کرلیا گیا ہے، ڈرائیور کیش وین چھوڑ کر فرار ہوگیا تھا۔ڈی آئی جی نے کہا کہ واقعے میں ملوث متعدد افراد کو شامل تفتیش کیا گیا ہے، ڈرائیور ودیگر افراد کا موبائل فون ڈیٹا حاصل کرلیا گیا ہے۔
