چمن ،مال روڈ پربم دھماکے سے 5 افراد جاں بحق 10 زخمی،بعض کی حالت نازک
شیئر کریں
چمن میں مال روڈ پربم دھماکے سے 5 افراد جاں بحق اور 10 افراد زخمی ہوگئے زخمیوں میں بعض کی حالت نازک ہے جس کے باعث ہلاکتوں میں اضافے کا خدشہ ہے ۔ تفصیلات کے مطابق چمن کے علاقے مال روڈ پردھماکے کے نتیجے میں پانچ افراد جاں بحق اور دس زخمی ہوگئے ۔ذرائع کے مطابق امدادی رضاکاروں، سیکیورٹی فورسزاورمقامی افراد نے لاشوں اورزخمیوں کو سول ہسپتال منتقل کردیا گیا، جہاں طبی عملے نے 5 افراد کے جاں بحق ہونے کی تصدیق کردی جبکہ شدید زخمیوں کو کوئٹہ منتقل کردیا گیا ۔پولیس کے مطابق چمن کی مصروف شاہراہ مال روڈ پر دھماکا اتناشدید تھا کہ متعدد موٹر سائیکلوں اورگاڑیوں کوبھی شدید نقصان پہچا۔پولیس کے مطابق دھماکاموٹرسائیکل میں نصب تھا اور ریموٹ کنٹرول کے ذریعے دھماکا کیا گیا،دھماکے میں اینٹی نارکوٹکس فورس کی گاڑی کو شدیدنقصان پہنچا۔مقامی حکام کے مطابق دہشت گردوں کا ہدف اینٹی نارکوٹکس فورس کی گاڑی میں بیٹھے اعلیٰ افسران تھے،پولیس اور لیویز فورس نے متاثرہ علاقے کو گھیرے میں لے لیا۔
